"Барселона" еуропалық клубтарға "ПСЖ"-ға қарсы коалиция құруды ұсынды

"Барселонаның" басшылары еуропалық клубтарға каталониялық клубтан Неймарды сатып алғысы келіп отырған франциялық "ПСЖ" клубына қарсы коалиция құруды ұсынды. Бұл туралы 'Equipe хабарлап отыр. 

Франциялық басылымның таратқан мәліметі бойынша, "Барселона" басшылары ПСЖ клубын қазіргі Еуропа футболындағы ережесі бұзып, әділетсіз жолмен fair play ережесін айналып өтіп, Неймарды сатып алуды жоспарлап отыр дейді. Дегенмен каталониялық клубтың басшылары соңына дейін Неймардың франциялық клубқа ауысуына кедергі жасайтынын айтып отыр. 

Еске салайық, бұған дейін шет елдік БАҚ ПСЖ-ның Неймар үшін 222 миллион еуроға шығындалуға дайын екенін жазды. Бұл келісім бойынша шабуылшы жылына 50 миллион еуро көлемінде жалақы алады. Алайда бұл келісімшартқа УЕФА-ның қаржылық fair play ережесі кедергі келтіруі мүмкін. Сол үшін де париждік клуб Неймардың өзімен 300 миллион еуролық келісімшарт жасауды қарастырып отыр. Бұл келісімшарт жүзеге асса, бразилиялық шабуылшы "Барселонадан" келісімшартын өзі-ақ сатып алады. 

Егер Неймар шынынды ПСЖ клубының сапына ауысатын болса, онда ол франциялық клубтың қожайындары болып саналатын Qatar Sports Investments компаниясымен келісімшартқа отырып, 2022 жылы Катарда өтетін әлем чемпионатының ресми өкілі атанды. Бұл қызметі үшін Неймар 5 жылда 300 миллион еуро пайда табады.