Елордалық "Астана" клубының бұрынғы қорғаушысы Марин Аничич түркиялық "Коньяспорт" сапындағы бірінші голын соқты, деп хабарлайды
Vesti.kz тілшісі.
Аничич Түркия біріншілігінің 34 турында "Аланьяспорт" командасына қарсы кездесуде көзге түсті. Босниялық қорғаушы негізгі құрамда алаңға шығып, 90 минут ойнады. Ойын барысында Аничичтің командасы 2:0 есебімен жеңіп тұрған. Бірақ, екінші тайда үш гол жіберіп, ұтылып қалды.
"Коньяспорт" 36 ұпай жинап, 18 команданың ішінде 13 орын алды. Ал Аничич болса 28 кездесуге қатысты.
Орталық қорғаушы түркиялық командаға 2019 жылдың күзінде ауысты. Оған дейін "Астана" сапында бірнеше жыл ойнады. Елордалық клубпен ол бес рет Қазақстан чемпионатын жеңді. Сондай-ақ үш рет Қазақстан суперкубогі мен бір рет Қазақстан кубогін жеңді. Бес жылдың ішінде ол Қазақстан чемпионатында ол 200-ден астам кездесуге қатысып, 11 гол соқты.