Алматылық "Қайрат" футзал клубы УЕФА Чемпиондар лигасының негізгі кезеңіндегі алғашқы матчында жеңіске жетті, деп хабарлайды Vesti.kz.
Бельгияда өткен 2-топтағы ойында алматылықтар латвиялық ТФК "Бейтар" командасын 5:3 есебімен ұтты.
Бірінші таймнан кейін Густаво Парадеданың шәкірттері 3:0 есебімен алда болды. Азат Уәлиуллин төртінші минутта, ал Кайо Руис жетінші және 20-минуттарда гол соқты.
19-минутта Руис пенальтиді пайдалана алмады. Ал екінші таймның басында, 21-минутта Алмас Иманбеков "Қайраттың" төртінші голын соқты.
Матчтың екінші бөлігінде латвиялық клуб қазақстандықтардың қақпасына үш гол соқты. Дубль авторы атанған команда капитаны Дмитрий Кузьмин 22 және 26-минуттарда мергендік танытса, тағы бір голды қақпашы Максим Троицкис соқты.
Кездесудің соңғы есебін 34-минутта Руис белгіледі.
Бүгін, 29 қазанда, екінші турда алматылықтар румыниялық "Юнайтед Галати" командасымен ойнауы керек еді. Алайда "Қайраттың" қарсыласы негізгі кезеңге қатысудан бас тартып, оған 0:5 есебімен техникалық жеңіліс тіркелді.
Дәл осылай бельгиялық "Спортинг-Андерлехт" пен ТФК "Бейтар" командаларына да румыниялық клубты 5:0 есебімен ұтты деп техникалық жеңіс берілді.
Негізгі кезеңнің қорытындысы бойынша плей-оффқа шығатын 16 команда анықталады. 1/8 және 1/4 финалдарда командалар өзара екі матчтан өткізеді. Ал турнир жеңімпазы дәстүрлі "Төрттік финалында" анықталады. Шешуші кезең 2027 жылғы 7 және 9 мамырда Швейцариядағы "Биль/Бьен Аренада" өтеді.
Жарнама