"Қайрат" футзал клубының баспасөз қызметі Қазақстан құрамасының 32 жастағы қорғаушысы Дуглас Жуниордың ресейлік КПРФ клубына жалға ауысқанын хабарлады.
Маусым соңында Дуглас "Қайратқа" қайта оралады. Оның алматылық командамен келісімшарты 2022/23 жылғы маусымның соңына дейін есептелген.
КПРФ клубы Ресей суперлигасының ағымдағы маусымында 28 ұпаймен үшінші орында келе жатыр.
Еске салайық, Дуглас Еуропа чемпионатында Қазақстан құрамасы үшін барлық матчқа қатысып, 4 гол мен 5 нәтижелі пастың авторы атанды.