"Қайрат" футзал командасы Чемпиондар лигасын жеңіспен бастады

Бүгін, 2 қараша күні алматылық "Қайрат" футзал командасы Чемпиондар лигасы элиталық кезеңнің бірінші ойынын өткізді, деп жазады Vesti.kz тілшісі. 

А тобына жайғасқан "Қайрат" командасы алғашқы кездесуін беларус елінің "ВитЭн" командасына қарсы өткізіп, 3:2 есебімен жеңіске жетті. 

"Қайрат" сапынан Валадарес Савио, Альберт Ақбалықов және Шыңғыз Есенаманов көзге түссе, оршалық командадан Олег Еремин мен Павел Роговик гол салды. 

Енді алматылық ұжым келесі кездесуін 3 желтоқсан күні франциялық "Аньер-Вильневқа", 5 желтоқсан күні ресейлік "Тюменьге" қарсы өткізеді. 

Еске салайық, элиталық кезеңде әр топтан бірінші орын алған команда ғана Чемпиондар лигасының финалдық кезеңіне жолдама алады.