Футзалдан Қазақстан құрамасының көшбасшысы Тайнан әлем чемпионаты топтық кезеңіндегі соңғы ойын, яғни Венесуэламен тең түскен матч туралы пікір білдірді, деп хабарлайды Vesti.kz тілшісі.
"Венесуэламен тең түстік - 1:1. Топтық кезеңдегі бірінші орынның кепілі. Енді 23 қыркүйекте болатын 1/8 финалдық ойынында қателіктерді азайтып, жинақталып ойнау керек. Бір-біріміз үшін күресіп, қалай бірге бастасақ, солай бірге аяқтаймыз. Біздің күшіміз - бірлікте!" - деп жазды Тайнан өзінің Instagram парақшасында.
Қазақстан құрамасы топтық кезеңде бірінші орынмен плей-оффқа өтті.
1/8 финалдық ойынын Қазақстан 23 қыркүйекте өткізеді.