Футзалдан Чемпиондар лигасы элиталық кезеңінің жеребесі қашан тартылады?

Футзалдан Чемпиондар лигасы элиталық кезеңінің жеребе тарту рәсімінің қашан өтетіні және элиталық раунд ойындарының қашан басталатыны белгілі болды.

Элиталық кезеңнің жеребесі 3 қарашада елорда уақытымен 19:00-де басталады. Ал элиталық кезеңнің матчтары осы жылдың 30 қарашасынан 5 желтоқсанға дейін өтеді.

16 клуб төрт топқа төрт командадан бөлінеді. Элиталық раундтың төрт тобының жеңімпаздары 2022 жылдың 28-30 сәуір аралығы немесе 29 сәуір мен 1 мамыр аралығында өтетін финалдық турнирге шығады.

Естеріңізге сала кетейік, Қазақстаннан элиталық кезеңге алматылық "Қайрат" жолдама алды, ал "Атырау" негізгі раундтағы үш кездесуінде де жеңіліп, жарыс жолынан шығып қалды.