Бүгін, 18 қыркүйекте футзалдан Қазақстан құрамасы Өзбекстанда өтіп жатқан әлем чемпионатының топтық кезеңіндегі екінші матчін өткізеді.
Матч Әндіжан қаласында өтеді, басталуы Астана уақытымен 17:30. Qazsport ойынды тікелей көрсетеді, трансляция телеарнаның ресми сайтында қолжетімді.
Бірінші ойында алаңнан қуылған Дәурен Тұрсағұлов бұл кездесуге қатыспайды.
Бірінші турда Жаңа Зеландия Ливиядан ұтылды (1:3), ал Испания мен Қазақстан тең түсті (1:1).
D квартетінде жағдай былай: Ливия (3 ұпай), Қазақстан (1), Испания (1), Жаңа Зеландия (0).
Әр топтағы мықты екі команда және үшінші орын алған жалпы төрт команда плей-офф кезеңге өтеді.