auth.social_login
Пожалуйста, подождите... Укажите email Укажите имя или псевдоним Укажите пароль Для регистрации на сайте Вы должны принять Правила сообщества Для редактирования профиля необходимо авторизоваться на сайте Укажите корректный Email material_dobavlen_v_izbrannoe Добавить в избранное Убрать из избранного Пароли не совпадают Задайте пароль для входа на сайт Хороший пароль должен содержать строчные, заглавные латинские буквы и цифры. Рекомендуется добавлять знаки препинания и задавать длину пароля не менее 8 символов Спасибо за Ваш голос! Добавить +1 Убрать +1 Выберите вариант ответа
Место
Русский Табло
Размещение рекламы: +7 700 388 81 09
RU
Сайтқа кіру
auth.social_login:
Сіздің Vesti.kz сайтындағы аккаунт Құпия сөзді ұмытып қалдыңыз ба?
Құпия сөзді ұмытып қалдыңыз ба?

Сіздің жаңа құпия сөзіңізді жіберетін email-ді атаңыз. Ақырында сіз құпия сөзді жеке бетіңізде өзгерте аласыз

Жарнама

"Чемпиондар Лигасын ұтқым келеді". Шыңғыс Есенаманов алдағы жоспарымен бөлісті

"Чемпиондар Лигасын ұтқым келеді". Шыңғыс Есенаманов алдағы жоспарымен бөлісті
©ҚФФ

Футзалдан Қазақстан ұлттық құрамасының және "Қайрат" АФК ойыншысы Шыңғыс Есенаманов Қазақстан футбол федерациясының баспасөз қызметіне берген сұхбатында ӘЧ-2024 іріктеу турнирінің тобындағы қарсыластары туралы пікірі білдірді. Сонымен қатар, алдағы маусым жөнінде сөз қозғады.

— 2024 жылғы әлем чемпионатының іріктеу тобының жеребе қорытындысына сіздің алғашқы әсеріңіз қандай болды?

— Негізінде, қалыпты. Қазір барлық құрамалар бір-біріне лайықты қарсыластар болып саналады. Бүгінде әлсіз командалар қалған жоқ. Біз жеңіп, өзіміздің мықты екенімізді дәлелдеуіміз керек.

— Тағы да Словения! Оларды негізгі қарсыластар деп санауға бола ма? Словениялық футзалдың дамуы қазір қай кезеңде?

— Бізге жиі қарсылас болып жүр. Негізгі қарсыластар деп атауға болады ма білмеймін, бірақ, олармен ойнау әрқашан қиын. Словения - жақсы құрама. Олардың құрамында техникасы зор, ірі денелі жанкешті ойыншылар бар. Біз бұрынғыдай өз ойынымызды ойнай береміз және жеңіске жете аламыз деп ойлаймын. Біз ешкімнен қорықпаймыз, бірақ барлық қарсыласқа құрметпен қараймыз.

— Словения қақпасына гол соққаныңыз есіңізде ме? Ол қалай болды?

— Есімде. Бұл әлем чемпионатына іріктеу матчтары болды. Сол кезде 2:2 есебімен тең ойнадық. Допты қорғаушының аяғының ортасынан өтікізіп, сол жақтан алыс бұрышқа ұрдым. Жақсы гол болды. Әдемі және маңызды доп болғандықтан есімде сақтап қалдым. 

— Ұлттық құрама үшін бүгінгі таңда 88 матч өткіздің. Елдің ұлттық командасы үшін өткізген матчтар бойынша сенің абсолют чемпион болу мақсаты бар ма?

— Отан үшін ел намысын қорғаған өте жақсы, бірақ чемпион атану мен үшін мақсат емес. Қанша ойын бұйырса, сонша ойнаймын. Ең бастысы, мұны жақсы орындау және ұлттық құраманың нәтиже көрсеткені маңыздырақ. Жүз ойынға деп жетіп қалармыз.

— Өзіңнің алғашқы матчың және құрама үшін соққан голың есіңде ме? Содан бері қандай естеліктер бар?

— Әрине, есімде. Бұл 2009 жылы Ирландияда болды. Ол кезде мен "Тұлпарда" ойнадым. Алғашқы ойын Англияға (5:2) қарсы болды, алғашқы голымды Кипр қақпасына соғып, 3:0 есебімен жеңдік. Ойынға дейін аздап ауырдым, температурам жоғары болды. Ойынға дейінгі жаттығуда біраз жақсарып қалдым, солай маған ойнауға рұқсат етілді. Осылай өзімнің алғашқы голымды соқтым.

— Құрама Еуро-2022 бері ойнаған жоқ, ал келесі ойынын тек күзде өткізеді. Құраманы сағындың ба?

— Мен үшін сол Еуропа чемпионаты айтарлықтай "сәтт" болған жоқ. Екі матч өткіздім, соның біреуінде ауырып қалдым. Украинамен ойында қиын болды – ол кезде жүз пайыз ойнай алмадым. Содан бері ұлттық құрамада ешқандай матч болмады және осы атмосфераны, құраманы қатты сағындық. Барлығы тартысқа асығып, жиын басталғанын күтіп жүрміз.

— Чемпионаттың өткен маусымын қалай бағалай аласың?

— Біз чемпионатты, Кубокті және Суперкубокті де жеңіп алдық. Қазақстандағы барлық олжаны қанжығаға байладық. Чемпионат қызықты өтті, командалар өсіп, деңгей біртіндеп теңестірілді. Көптеген ауыр ойындар болды, тіпті олардың бірнешеуінде жеңіліс таптық. Бұндай жағдай бізде ешқашан болған емес. Бұл чемпионаттың маңызды екенін дәлелдейді. Әрине, Чемпиондар Лигасында өте алмағанымыз өкінішті. Енді келесі маусымға дайындалатын боламыз.

— Жаңа маусымнан не күтесің?

— Жаңа маусымнан бастап көптеген қызықты матчтарды, ұлттық құрамаға шақыруды, мықты чемпионат болуы үшін жақсы бәсекелестікті күтемін, жыл сайын асыға күту сезімі басталады. Біз демалысты аяқтап, біртіндеп дайындықты бастап жатырмыз.

— Жақында "Қайратпен" келісімшартты ұзарттың. Чемпиондар лигасы сенің мансабыңда жетіспейтін клуб деңгейіндегі жалғыз олжа деп айта аламыз ба?

— Чемпиондар Лигасын ұтып алғым келеді, өйткені бұл мен үшін өте маңызды. Көп жылдар бойы екінші-үшінші орын алып, жеңе алмай келе жатырмыз.

— Чемпиондар лигасының негізгі раундындағы қарсыластар туралы не ойлайсың? 

— Көреміз, себебі қарсыластар өте мықты. Қиын топ түсті, біз алдымен қарастырып, сараптаймыз. Бұл кезеңде әлсіз қарсыластар болмайды деп ойлаймын. Барлығын талдау керек.

— "Аяттың" мүмкіндігі қандай? Біздің чемпионаттың вице-чемпионының үлкен төрттікке шығу үшін күресетін кезі келді ме?

— Мүмкіндіктер үлкен деп ойлаймын. Құрамы жақсы: легионерлер де, жергілікті ойыншылар да жоғары деңгейде ойнайды. "Аяттың" әрі қарай жүруге барлық мүмкіндігі бар. Олар әлі Чемпиондар Лигасында өздерін көрсете алмады. Дегенмен олардың дайындықтары жақсы.

 

 

Vesti.kz сайтын осы әлеуметтік желілерінде оқыңыздар

@vestisport @vestikzsport

Vesti-де Tik Tok та бар @vestikzsport

 

Әлеуметтік желілерде бөлісу


Тег:

Жарнама

Жарнама

Жарнама

Жаңалықтар
1 шілде, 02:17
Футзал
Тоқаев Ресейге кетті Тоқаев Ресейге кетті

Жарнама

Жарнама