Алесио Қазақстан құрамасының бас бапкері атанды

Бразилиялық маман Жозе Алесио Да Силва футзалдан Қазақстан ұлттық құрамасының бас бапкері атанды, деп хабарлайды Vesti.kz порталы Қазақстан футзал ассоцияциясының сайтына сілтеме жасап.

Алесио бұл қызметке Какаудың қызметінен кеткеннен кейін тағайындалып отыр. Бұған дейін ол Қазақстан құрамасы мен алматылық "Қайрат" сапында Какаудың көмекшісі қызметін атқарып келді. 

Айта кетейік, 48 жастағы маман ойыншы кезінде бразилиялық "Волторантин", "Интер Ульбра", "Васко да Гама" сонымен қатар ресейлік "Спартак" (Мәскеу), "ТТГ-Ява" (Югорск) командаларының намысын қорғаған. 

Ал, бапкер ретінде "Қайрат", нахичевандық "Араз" және Әзірбайжан құрамасын жаттықтырған.