"Футбол мафиясы "Ювентустың" жартылай финалға шыққанын қаламады. Әйгілі қақпашы Чемпиондар лигасы жайында

Парагвай құрамасының қақпашысы Хосе Луис Чилаверт Чемпиондар лигасындағы кешегі өткен "Реал" мен "Ювентус" арасындағы ойын туралы пікір білдірді, - деп хабарлайды "Евроспорт".

Айта кетейік, "Ювентус" бірінші ойында мадридтік командадан 30 есебімен ұтылғанына қарамастан екінші ойынның негізгі уақытында есепті теңестіре білді. Қосымша уақытта төреші 11 метрлік айып добын орындауды белгілеп, Джанлуиджи Буффонды алаңнан қуды. 

"Футбол мафиясы "Ювентустың" көзін құртты", - деп жазды Чилаверт Twitter желісіндегі парақшасында. 

La mafia del fútbol lo deja fuera a la Juventus.

— José Luis Chilavert (@JoseLChilavert_) 11 апреля 2018 г.

Чемпиондар лигасының жартылай финалына "Реал", "Бавария", "Ливерпуль" және "Рома" шықты. Олар 13 сәуірде жеребе тастау арқылы қарсыластарын анықтайтын болады.