УЕФА Чемпиондар лигасының 2025/2026 маусымындағы жалпы кезеңнің 8-турындағы соңғы матчтар аяқталды. Нәтижесінде турнирдің плей-офф кезеңіне шыққан барлық командалар анықталды, деп хабарлайды Vesti.kz.
Керемет сегіздікЧемпиондар лигасының 1/8 финалына тікелей жолдама алған сегіз команда белгілі болды. Олар:
«Арсенал» (Англия)
«Бавария» (Германия)
«Ливерпуль» (Англия)
«Тоттенхэм» (Англия)
«Барселона» (Испания)
«Челси» (Англия)
«Спортинг» (Португалия)
«Манчестер Сити» (Англия)
Бұл клубтардың плей-оффтағы қарсыластары шешуші раундтан кейін белгілі болады. Аталған кезеңге жалпы кезең қорытындысы бойынша 9–24 орын алған командалар қатысады.
Айта кетейік, Англия премьер-лигасынан қатысқан алты клубтың бесеуі бірден 1/8 финалға өтті. Тек «Ньюкасл Юнайтед» ғана плей-оффқа тікелей өте алмай, жалпы кестеде 12-орынмен шешуші раундта ойнайды.
Чемпиондар лигасының плей-офф кезеңіне өткен клубтар1/8 финал жолдамасы үшін өтетін стыковый матчтарға келесі командалар қатысады:
? Рейтингі жоғары командалар:
«Реал» Мадрид (Испания)
«Интер» (Италия)
«Пари Сен-Жермен» (Франция)
«Ньюкасл» (Англия)
«Ювентус» (Италия)
«Атлетико» Мадрид (Испания)
«Аталанта» (Италия)
«Байер» (Германия)
? Рейтингі төмендеу командалар:
«Боруссия» (Дортмунд, Германия)
«Олимпиакос» (Греция)
«Брюгге» (Бельгия)
«Галатасарай» (Түркия)
«Монако» (Франция)
«Қарабах» (Әзербайжан)
«Будё-Глимт» (Норвегия)
«Бенфика» (Португалия)
Алғашқы матчтар 17–18 ақпанда, қарымта кездесулер 24–25 ақпанда 2026 жылы өтеді.
Әзербайжанның «Қарабах» клубы соңғы 10 жылда ТМД елдерінен Чемпиондар лигасының плей-оффына шыққан алғашқы команда атанды. Бұған дейін мұндай жетістікке 2016 жылы санкт-петербургтік «Зенит» (1/8 финал) жеткен еді.
Сонымен қатар, «Қарабах» өз тарихында алғаш рет Чемпиондар лигасының шешуші кезеңінде өнер көрсетпек.
Чемпиондар лигасының шешуші матчтарындағы ықтимал жұптар:«Монако» / «Қарабах» — «ПСЖ» / «Ньюкасл»
«Брюгге» / «Галатасарай» — «Ювентус» / «Атлетико»
«Будё-Глимт» / «Бенфика» — «Реал» / «Интер»
«Боруссия» Дортмунд / «Олимпиакос» — «Аталанта» / «Байер»
«Қарабах» / «Монако» — «Ньюкасл» / «ПСЖ»
«Галатасарай» / «Брюгге» — «Атлетико» / «Ювентус»
«Бенфика» / «Будё-Глимт» — «Интер» / «Реал»
«Олимпиакос» / «Боруссия» — «Байер» / «Аталанта»
Стыковый кезеңнің жеребесі 30 қаңтарда өтеді.
Чемпиондар лигасының 1/8 финал матчтары наурыз айында өтеді. Бұл кезеңнің жеребесі 27 ақпанда, шешуші раундтан кейін бірден тартылады.
«Марсель», «Пафос», «Юнион», ПСВ, «Атлетик», «Наполи», «Копенгаген», «Аякс», «Айнтрахт», «Славия», «Вильярреал» және «Қайрат».
Алматылық «Қайрат» Чемпиондар лигасының негізгі кезеңіне алғаш рет қатысып, 8 матчтың жетеуінде ұтылды:
«Спортингке» (1:4), «Реалға» (0:5), «Интерге» (1:2), «Копенгагенге» (2:3), «Олимпиакосқа» (0:1), «Брюггеге» (1:4) және «Арсеналға» (2:3).
Қазақстандық клуб жалғыз ұпайыды «Пафоспен» өткен матчта алды (0:0).
Жалпы кезеңде «Қайрат» 7 гол соғып, 22 гол өткізіп, Чемпиондар лигасының қорытынды кестесінде 36-орынға жайғасты.