Зайнутдинов ЦСКА сапына ауысқаннан кейін бірінші пікірін білдірді

Футболдан Қазақстан құрамасының жартылай қорғаушысы Бахтиер Зайнутдинов ЦСКА командасына ауысқаннан кейін "Ростов" ұжымының жанкйүерлерімен команда мүшелеріне алғыс айтты. 

Ол клуб пен қала жүрегінде мәңгі қалатынын айтты. Жалпы Зайнутдинов Ресей біріншілігіне 2019 жылы ауысып, "Ростов" сапында барлық турнирлерде 35 кездесуге қатысты. Бұл ойындарда ол төрт гол соғып, екі нәтижелі пас берді. 

"Құрметті жанкүйерлер! Керемет қолдауларыңыз үшін алғыс айтқым келеді. "Ростов" сапында екі жылдай өнер көрсеткеніме қуаныштымын. 

Маған сенген әрбір адамға алғыс айтамын. Клуб басшылары, бапкерлер мен мадициналық штабқа, футболшылар мен клуб әкімшілері және базаның қызметкерлеріне зор алғыс білдіремін. "Ростов" - менің отбасым болып кетті. Бұл жерде мен өз үйімде болғандай сезіндім. Шынымен қуынышты болдым. 

Футболшының өмірі қауышы мен қоштасудан тұрады. Құрметті жанкүйерлер, барлығы үшін алғыс айтқым келеді. Мен қоштаспаймын. Тек қайта қауышқанша дегім келеді. Өйткені, "Ростов" мәңгі менің жүрегімде қалады. Садовая көшесі. Ростов - қала. Ростов-Дон!", - деп жазды Зайнутдинов Instagram парақшасында. 



Еске салайық, 22 жастағы Зайнутдинов бүгін ЦСКА сапына ауысты. Қазақстандық футболшы 2024/25 жылғы маусымның соңына дейін келісімшарт жазып, 19-нөмірді таңдады.