- Қиын ойын болды. "Уфаның" қалай ойнайтынын білеміз. Қорғанысы мықты. Бірінші таймда бұл қорғанысты бұзу мүмкін болмады. Негізі мүмкіндіктер болды. Екінші таймда жақсы ойнап, гол соқтық. "Уфа" жалпы Ресей біріншілігіндегі барлық командаларға қарсы мықты қорғанады, - деді Зайнутдинов.
- Сізді ЦСКА сапына ауысады деген әңгіме болып жатыр. Бұл туралы не айта аласыз?
- Бұл менің шаруам емес. Басшылық пен агенттің шаруасы. "Ростов" сапында жүргенімен қуаныштымын. Бүгін жеңіске жеткенімізге де ризамын. Менің басты мақсатым - жақсы ойнап, командаға пайдамды тигізу.
Еске салайық, бұған дейін Зайнутдиновтің ЦСКА командасына ауысуы мүмкін деген әңгіме шыққан еді. Мәскеулік клуб жартылай қорғаушыны бірден сатып алғысы келеді екен. Отандасымызды командасында бас бапкер Виктор Гончеренконың өзі көргісі келеді.