"Тобылдан" түңілген Жұмасқалиев "Алтаймен" келісімшарт жасады

Спорттық карьерасының басым бөлігін қостанайлық "Тобыл" сапына арнаған Нұрбол Жұмасқалиев семейлік "Алтай" сапына ауысты, деп хабарлайды Vesti.kz.

Еске салайық, биылғы маусым біте салысымен "Тобыл" тәлімгері Омари Тетрадзе жаңа маусымнан бастап капитанның командада болмайтынын кесіп тұрып айтқан болатын. Содан бері Жқмасқалиев "Алтай" сапында жаттығып жүрді. Ал бүгін жартылай қорғаушының семейлік клубпен келісімшарт жасағаны белгілі болды. 

Нұрболмен бірге "Алтай" сапына "Тараз" бен "Жетісуді" төменгі лигаға жіберген Александр Григоренко мен Артем Касьянов ауысты. Сонымен қатар, өткен маусымда "Оқжетпесті" өрге сүйреген сұрмерген Жасұлан Молдақараев та Премьер-лигаға биыл ғана жолдама алған ұжымның қатарына қосылды.