"Шахтер" командасынан көшбасшы ойыншыларының бірі кетуі мүмкін

Жазғы трансферлік кезеңде "Шахтер" командасынан ресейлік Арсен Хубулов кетуі мүмкін, деп хабарлайды Vesti.kz порталы. Ол қазіргі уақытта команданың капитаны. 

Қарағандылық команда басшылары Хубуловтың ойын деңгейіне көңілі толмай жатыр екен. Биылғы маусымда 30 жастағы ойыншы Қазақстан біріншілігінде 30 ойын өткізіп, 12 гол соққан. 

Одан бөлек, кеншілердің сапынан бельгиялық Зиги Бадибанга да кетуі ықтимал. Ол команда сапына екі ай бұрын қосылған болатын. 

Сондай-ақ инсейдер Айдын Қожахметтің ақпараты бойынша, қазақстандық қорғаушы Карам Сұлтанов пен украиналық жартылай қорғаушы Виталий Балашов командадан кетіп қалған. 

Еске салайық, бұған дейін "Шахтер" ресми түрде шабуылшы Евгений Павловпен келісімшартты бұзғанын хабарлаған болатын. 

Қазіргі уақытта қарағандылық коуб Қазақстан біріншілігінде 14 команданың ішінде 12 орында келеді. Шілде айында Магомед Адиевтің шәкірттері Конференция лигасындағы іріктеу кезеңін бастайды.