"Ордабасы" қорғаушысы карьерасын "Тобылда" жалғастырады

Футболдан Қазақстан құрамасына үміткер Бағдат Қайыров "Ордабасы" командасынан кетті. 

Дереккөздің хабарлауынша, қорғаушыны "Астана" командасы өз қатарына қосқысы келген. Бірақ ол карьерасын басқа командада жалғастыруды жөн көрген. Ал Meta-ratings.kz ақпараты бойынша, футболшы "Тобыл" командасына ауысады екен. 

28 жастағы Қайыров биылғы маусымда "Ордабасы" сапында 14 кездесуге қатысып, бір гол соққан. 

Ол Ақтөбе футбол мектебінің түлегі. Сондай-ақ қорғаушы карьерасында "Қайсар" және "Каспий" командаларының намысын қорғаған. 

Transfermarkt ақпараты бойынша, бұл футболшының трансфердегі құны 500 мың еуро екен.