"Ордабасы" командасының бас бапкері белгілі болды

Сурет "Ордабасы" сайтынан алынды.

Шымкенттік "Ордабасы" командасының бас бапкері беларусь маманы Александр Седнев болады,- деп хабарлайды Meta-ratings.kz.

Дереккөздің ақпараты бойынша, 20-қаңтар күні Седнев келісімшарт жасау үшін Қазақстанға келеді. Айта кетейік, ол бұған дейін ҚПЛ-де жұмыс істеген. 2018 жылы маман "Ақтөбе" командасы сапында Владимир Мухановтың көмекшісі болған. Келесі жылы ол команданы өз бетінше жаттықтырған еді.

Егер келісімшарт жасалатын болса, Седневтің бапкерлер құраманы Андрей Ферапонтов та кіреді. Бұл маманмен Седнев "Ақтөбе" және Рух" командаларында бірге жұмыс істеген.

Негізі бұған дейін "Ордабасы" командасының бас бапкерлік қызметіне Владимир Газзаев та үміткер болған. Бірақ ресейлік маман команда басшыларымен келісімге келе алмады. Сонымен қатар, шымкенттік команданың тізгінін болгариялық Стойчо Младенов пен ресейлік Вадим Евсеев жаттықтырады деген әңгіме болды.

Өткен маусымда "Ордабасы" командасы 31 ұпай жинап, турнир кестесінде бесінші орынға жайғасты. Команданың соңғы бас бапкері Кахабер Цхададзе болды. Ол командамен 2018 жылдан бері жұмыс істеді.

Әлеуметтік желілерде бөлісу