"Оқжетпес" жолдастық кездесуде Ресей премьер-лигасының командасын жеңді

Түркияда өткен оқу-жаттығу жұмыстары кезінде  көкшетаулық "Окжетпес" тулалық "Арсенал" командасынан жолдастық кездесуде басым түсті.

Жолдастық кездесу бүгін 27-ақпан күні Белекте 2-1 есебімен аяқталды. "Окжетпес" командасы сапынан 26-минутта ресейлік легионер Никита Баженов есеп ашып ерекшеленді. Ал 68-минутта Санат Жумаханов екінші голдың авторы атанды. "Арсенал" командасының 50-минутта соққан жалғыз гол авторы аргентиналық шабуылшы Федерико Расич болды.

Айта кетейік, "Окжетпес" жаңа Бірінші лига маусымына дайындық үстінде. Өткен жылы көкшетаулықтар ҚПЛ-да соңғы 12 орынға тұрақтап,турнирден ұшып кеткен болатын. Ал "Арсенал" ресейлік Премьер-лигасында 8-орында келеді.

Қоса айта кетейік, 20-ақпан күні "Арсенал" мен "Кайрат" командалары арасындағы кездесу 0:0 есебімен тең аяқталған болатын.