Неманья Максимович Қазақстан премьер-лигасындағы ең қымбат футболшы атағын қайтарып алды

Неманья Максимович. UEFA.com©

"Астананың" сербиялық жартылай қорғаушысы Неманья Максимович қазақстандық премьер-лигадағы ең қымбат футболшысы атағын қайтарып алды, - деп хабарлайды Vesti.kz тілшісі.

Transfermarkt мәліметі бойынша, Максимовичтің трансферлік құны екі миллионнан үш миллионға өсті. Осылайша, "Астананың" жартылай қорғаушысы жаздан бері бір миллиоға қымбаттап, ең қымбат футболшылар тізімінде "Қайраттың" чилилік жартылай қорғаушысы Герсон Асеведоны басып озды. Алматылық клуб ойыншысының трансфері үш миллионнан 2,5 миллиона еуроға түсіп қалды.

Ең қымбат ойыншылар тізіміндегі екінші орында Асеведомен бірге осы клубтың ивуар форварды Жерар Гоу тұр. Оның трансфері 1,8-ден 2,5 миллион еуроға дейін көтерілген. Тізімде төртінші болып "Астана" командасының жартылай қорғаушысы Рохер Каньяс тұр, оның құны 1,5 миллионнан екі миллион еуроға өсті.

Бесінші болып "Қайрат" ойыншысы Бауыржан Исламхан тұр, оның тарнсфері бір миллионнан 1,8 миллион еуроға өсті және ол ең қымбат қазақстандық футболшы болып отыр.

Еске салайық, 21 жастағы серб астаналық клубқа 2015 жылдың ақпанында өткен болатын. Екі маусымда ол екі рет Қазақстан чемпионы және бір рет ел Кубогының иегері болды. Сонымен қатар, топтық раундтарда Чемпиондар лигасы мен Еуропа лигасында өйын көрсетті. Қазақстан премьер-лигасында Максимович 54 матч өткізіп, он гол салды және алты рет голға доп шығарып берген.

Әлеуметтік желілерде бөлісу