Максимович "Астана" сапындағы бірінші кездесуін өткізді

©fca.kz

Бүгін "Астана Арена" спорт кешенінде "Астана" командасының "Ертіске" қарсы кездесуге негізгі құрамда шықпаған ойыншылары елордалық ұжымның дубльімен екіжақты ойын өткізді.

Ойын 20 минуттан 3 кезеңге жалғасып, 4:1 есебімен негізгі құрам ойыншыларының пайдасына аяқталды. Қазақстанның үш дүркін чемпиондары сапында Дидар Жалмұқан хет-трик авторы атанды. Тағы бір голды Роман Мұртазаев өз еншісіне жазса, "Астана U21" соққан жалғыз голдың авторы Рамазан Каримов.

"Астана" мына құрамда ойнады: Эрич, Алиев, Жүнісов, Максимович, Қалабаев, Наджарян, Сағнаев, Жақыпбаев, Мұртазаев, Прокопенко, Жалмұқан.

"Астана U21"төмендегі құраммен өнер көрсетті: Саенко, Искаков, Кусяпов, Әбдіразақов, Берг, Мұқанов, Зайнетдинов, Сағынов, Ваганов, Пронь. Кездесу барысында ойыншыларды алмастырған аяқдопшылар: Медведев, Мажитов, Ілиясов, Айтым, Махан, Цой, Михайлов, Скворцов, Каримов.

Естеріңізге сала кетейік, "Астана" командасы келесі ойынын 17 наурыз күні оралдық "Ақжайық" командасына қарсы елордада өткізеді. Ойын 17:30-да басталады.

Әлеуметтік желілерде бөлісу