Қазақстан футбол федерациясы Тәртіпті бақылау комитетінің кезекті отырысы өтті. Оның қорытындысы бойынша "Қайрат" шабуылшысы екі ойынға шеттелді.
"Футболдан Қазақстан чемпионаты. Сегізінші тур. "Қайрат" - "Ордабасы" кездесуі.
Қарсыласқа қарсы дөрекі ойнаған үшін, "Қайрат" командасының шабуылшысы Вагнер Лав екі ойынға шеттетілсін. Шеттетілу мерзімі 2021 жылдың 30 сәуірінен басталады", - делінген ҚФФ таратқан хабарламада.
Еске салайық, бразилиялық шабуылшы қызыл қағаз алғаннан кейін "Қызыл-Жар" командасына қарсы кездесуге қатыса алмады. Ол ойын 1:1 есебімен аяқталды. Енді ол 8 мамыр күні "Шахтерге" қарсы кездесуге де қатыса алмайды.