"Қазақтың Мессиі" жарақат алып қалды

Ресейлік «Уфа» футбол клубының ойыншысы Еркебұлан Сейдахмет жарақат алып қалды.

18 жасар футболшының қалай жарақат алғаны және оның жасыл алаңға қашан оралатыны белгісіз болып отыр. «Қазақтың Мессиі» «Уфаның» ЦСКА-ға қарсы өткізген соңғы ойынына қатыспады.

Жалпы, Еркош (лақап аты — авт.) «Уфа» командасының сапында екі ойын өткізді. Ресей Премьер Лигасы аясында «Анжиға» қарсы ойынның 46-минутында алаңға шығып, Ресей біріншілігінде доп тепкен 21 ғасырда туылған алғашқы футболшы атанды. Артынша «Арсенал» клубына қарсы матчта 81-ші минутта әріптесін ауыстырды.

Айта кетейік, Еркебұлан Сейдахмет Қазақстан Ұлттық құрамасының сапында да екі ойын өткізіп үлгерді. Венгрияға қарсы алғашқы ойынында гол соқты.