Қазақстандық футболшы ойнайтын ресейлік командада тоғыз адам вирус жұқтырып алыпты
Сурет: "Сочи" клубының сайтынан алынды.
Ресейлік "Сочи" клубында тоғыз адам коронавирус жұқтырып алыпты. Бұл туралы клубтың ресми сайты хабарлап отыр.
Вирустың жұқтырғандардың есімін және оның ішінде қанша футболшы бар екен клуб нақтылаған жоқ. Айта кетейік, бұл клубтың сапында Қазақстан жастар құрамасының футболшысы Акмаль Бахтияров өнер көрсетеді. Бірақ, ол Ресей біріншілігі қайта басталғанна кейін жарақатына байланысты әлі ойнаған жоқ.
Бүгін, 16 шілде күні "Сочи" "Тамбов" клубына қарсы кездесу өткізу керек болған. Ойын өтпейтін болды. Командаға техникалық жеңіліс жазылуы мүмкін. Ресей біріншілігінің аяқталуына дейін екі тур қалғанда "Сочи" 33 ұпаймен 12 орында келеді.