Қазақстандық футболшы Финляндия біріншілігінде алаң ортасынан гол салды

Футболдан Финлядияның үшінші лигасында өнер көрсететін 25 жастағы Жан Болатқұлов алаң ортасынан гол соқты, деп хабарлайды журналист Айдын Қожахмет Телеграмм каналында. 

Болатқұлов Edustus командасының сапында PeKa командасына қарсы өткен кездесудің сегізінші минутында гол соғып, есепті ашты. Бірақ оның командасы 2:5 есебімен ұтылып қалды. 

"25 жастағы Жан Болатқұлов елімізде "Ақ Бұлақ", "Екібастұз" және "Лашын" секілді командаларда ойнады. Бірақ ол ҚПЛ-де ойнай алмады. Содан соң Финляндияға кетіп қалды. Осымен үшінші жыл ол Финляндияның үшінші лигасында ойнап жатыр. Ол екінші лигада өнер көрсететін командадан ұсыныс алыпты", - деп жазды Қожахмет.