Қазақстан құрамасының қорғаушысы "Атырауға" ауысты

Meta-ratings.kz сайтына белгілі болғандай, Қазақстан ұлттық құрамасының орталық қорғаушысы Виктор Дмитренко "Атырау" клубының ойыншысы атанды.

29 жастағы футболшы қысқы үзіліс аяқталғаннан кейін "Атырауға" қосылды. Дмитренконы команданың бапкерлер құрамы тағы екі тәжірибелі орталық қорғаушылар - сербиялық Даниэль Стойковичке және ресейлік Дмитрий Гузьға бәсекелес ретінде көреді.

Өткен маусымды қорғаушы "Ордабасы" клубында өткізді. Шымкенттік клуб жейдесінде 12 матчқа қатысып, 1 гол соқты, 1 нәтижелі пас берді.