auth.social_login
js.pozhaluista_podojdite js.ukazhite_email js.ukazhite_imya_ili_psevdonim js.ukazhite_parol js.dlya_registracii_na_saite_vy_doljny js.dlya_redaktir_profilya js.ukazhite_korrektny_email material_dobavlen_v_izbrannoe js.dobavit_v_izbrannoe js.ubrat_iz_izbrannogo js.paroli_ne_sovpadayut js.zadaite_parol_dlya_vhoda_na_sait js.horoshi_parol_doljen_soderjat js.spasibo_za_vash_golos js.dobavit_plus_1 js.ubrat_plus_1 js.vyberite_variant_otveta
js.mesto
жаңа тег қосу Слайдшоу қарау (пробел) Пауза Артқа Алға Орнынан көшіру Жабу (Esc) Толық көлеміне ашу Суретті жабу үшін жай басыңыз, қозғау үшін басып жібермеңіз
Пікіріңізге рахмет! Мәтін қойыңыз...
Русский Табло
Сайтқа кіру
auth.social_login:
Сіздің Vesti.kz сайтындағы аккаунт Құпия сөзді ұмытып қалдыңыз ба?
Құпия сөзді ұмытып қалдыңыз ба?

Сіздің жаңа құпия сөзіңізді жіберетін email-ді атаңыз. Ақырында сіз құпия сөзді жеке бетіңізде өзгерте аласыз

"Қайсар" клубы бас бапкерге қатысты мәлімдеме жасады

Қызылордалықтар турнир кестесінде 13 орында тұр.

"Қайсар" клубы бас бапкерге қатысты мәлімдеме жасады
Сурет "Қайсар" сайтынан алынды.

Бүгін өңірлік коммуникациялар қызметінде "Қайсар" футбол клубының алдағы жоспарлары талқыға түсті. Брифингке облыстық дене шынықтыру және спорт басқармасының басшысы Жақсылық Оспанов, облыстық футбол федерациясының вице президенті Болат Көшербаев, "Қайсар" футбол клубының директоры Серік Досманбетов, бас бапкер Сұлтан Әбілдаев және БАҚ өкілдері қатысты. "Қайсардың" ел біріншілігіндегі соңғы ойындардағы нәтижесінен туындаған сауалдарға облыстық дене шынықтыру және спорт басқармасының басшысы Жақсылық Оспанов жауап берді.

– Футболдан ел чемпионатының 10 турының қорытындысы бойынша "Қайсар" 1 жеңіс, 3 тең, 6 жеңіліс көрсеткішімен 6 ұпай еншілеп, 13 орында келеді. Әрине, нәтижеге көңіл көншімейді. Бірақ команданың жыл басында жасақталғаны белгілі. Өткен жылғы құрамның 80 пайызы жаңарғандықтан футболшылар енді ғана бір-бірін түсінуде. Яғни адаптация жұмыстары бірте-бірте қалыпқа келуде. Соңғы ойындардағы сәтсіздіктерге байланысты әлеуметтік желіде түрлі алып-қашпа ақпараттардың таралғанын көрдік. Дегенмен бұл ақпараттардың шындыққа жанаспайтынын жеткіземін. Қазіргі таңда бас бапкер мен футболшылар алдағы ойындарға дайындық жұмыстарын жүргізуде. 14 мамырда «Ақтөбе» командасына қарсы өтетін кездесуге бүгін "Қайсар" футбол клубы соңғы дайындықтарын пысықтап, Ақтөбе қаласына аттанады. Сонымен қатар 18 мамырда "Астана" командасын Ғани Мұратбаев атындағы орталық стадионда қабылдайды. Осы ойынға жанкүйерлерді стадионға кіргізу мәселесі қаралып жатыр, – деді басқарма басшысы.

БАҚ өкілдерінің "бапкерлік құрамда өзгеріс бола ма?" деген сауалына облыстық футбол федерациясының вице президенті Болат Елеуұлы жауап берді.

– Біз бірінші мынаны түсінгеніміз дұрыс. Команда маусым басында жаңадан жасақталды. Былтырғы құрамнан тек Ілияс Әмірсейтов, Кларенс Битанг, Думан Нәрзілдаев қана қалды. Ілияс кешегі күнге дейін жарақат салдарынан ойындарға қатыса алмады. Жанкүйерлердің реніші де орынды. Бірақ команданың енді ғана бір-біріне үйреніп келе жатқанын түсінуіміз керек. Клуб басшылығы мен бапкерлік құрамның барлығы жергілікті мамандар. Барлығының отандық футболда ойып тұрып орын алған жетістігі бар деуімізге болады. Сондықтан барлығына сеніммен қараймыз. Алдағы ойындарда жақсы нәтижеге қол жеткізуіне тілекшімін, – деді Болат Елеуұлы. 

Команданың бас бапкері Сұлтан Әбілдаев клубтың алдағы жоспарларымен бөлісті.

– Біріншілік барысында жергілікті футболшылардың алаңға шығып, тәжірибе жинақтағанын қалаймын. Мақсат Байжанов, Думан Нәрзіладев Елжас Сарбай, Өркен Махан, Елжас Алтынбеков, Абылайхан Төлегенов, Аян Құлмағанбетов, Бекзат Құрманбекұлы, Нұрымжан Салайдын секілді жергілікті футболшылар біздің үмітіміз. Өткен 10 турға анализ жасап, кем-кетігімізді қарастырып жатырмыз. Тактикалық тұрғыдан командада өзгерістер болады. Теориялық, практикалық жаттығуларда жаңа тактикамен жұмыс істеудеміз. Сондай-ақ армениялық футболшымыз Гегам Кадемян туралы көптеген сұрақтар туындауда. Гегам жыл басында ауыр жарақат алды. Жарақат салдарынан жаттығу жұмыстарын толыққанды жүргізе алмады. Қазір денсаулығы жақсарып, қалыпқа келу процесінен өтіп жатыр. Алдағы ойындарда өзін жақсы қырынан көрсетеді деп ойлаймын. Сонымен қатар жазғы трансфер терезесінде командаға көмек көрсететін 2-3 ойыншыны шақыртуымыз мүмкін, – деді бас бапкер Сұлтан Әбілдаев.

Әлеуметтік желілерде бөлісу


Тег:
Жаңалықтар