"Қайрат" - Қазақстанның ең қымбат клубы атанды

Алматының "Қайраты" құрамындағы футболшылардың құны жағынан ел чемпионы "Астананы" артқа тастап, ҚПЛ-дың ең қымбат командасы атанды, - деп хабарлайды Vesti.kz.

Немістің әйгілі Transfermarkt мәліметінше, "Қайрат" командасының жалпы құны 20,48 миллион еуроға жеткен. Ал "Астана" командасы керісінше 20,10 миллион еуроға арзандай түскен. Осылайша, алматылық ұжым Қазақстанның ең қымбат футбол командасы атанды.

Айта кетейік, қысқы маусымаралық үзілісте "Астананың" ойыншысы Рохер Каньяс АПОЭЛ командасына жалға берілді. Ал "Қайрат" құны 1,5 миллион еуроға бағаланған хорватиялық жартылай қорғаушы Иво Иличевичті қатарына қосты.
Үздік үштікті "Ақтөбе" клубы түйіндеп тұр. Оның жалпы құны – 10,90 миллион еуро.