"Қайрат" жаңа маусымды жеңіспен бастады

Алматының "Қайрат" футбол клубы 2017 жылғы маусымдағы премьер-лига ойындарын жеңіспен бастады. Олар бүгін өз алаңында "Ақтөбені" ұтты.

Ойында алматылық клуб 1:0 есебімен жеңіске жетті. Голды 64 минутта Жерар Гоу соқты. Исаэль Барбозаның бұрыштамадан асырған добына бірінші жетіп, қақпаға тура бағыттады. Доп "Ақтөбе" командасының қақпасында тулады. Одан кейінгі аралықта есеп өзгерген жоқ.



Айта кетейік, осыған дейін "Ордабасы" "Астананы", "Тобыл" "Атырауды" ойсырата ұтқан еді. "Тараз" бен "Шахтер" командалары тең ойнады. "Ертіс" пен "Қайсар" соңғы минуттарда жеңіске жеткен еді.

Қайрат келесі турда "Оқжетпеспен" ойнайды. Ал "Ақтөбе" сырт алаңда "Тобылмен" кездеседі.