Еуро-2020 финалындағы төреші "Астана" матчіне қызмет етеді

Германиялық Бастиан Данкерт бастаған төрешілер Конференция лигасында елордалық "Астана" мен грекиялық "Арис" командалары арасындағы кездесуде жұмыс істейді, деп жазады KazFootball.kz порталы.

Данкерт "Уэмбли" стадионыда өткен Италия мен Англия арасындағы Еуро-2020 турнирінің финалында жұмыс істеді. Ол бейнақайталау жүйесінде бас төрешінің көмекшісі болды. 

Бастиан Данкерт - Еуропадағы ең қатал төрешілердің бірі. Орташа есеппен ол бір ойында төрт сары қағаз көрсетеді.

Еске салайық, "Астана" мен "Арис" арасындағы кездесу 22 шілдеде Нұр-Сұлтан қаласында өтеді. Ойын 19:00-де басталады.