Еркебұлан Сейдахмет "Зенит" сапында тағы бір кездесуге қатысты

Гранаткин мемориалының үздік шабуылшысы қазақстандық Еркебұлан Сейдахмет Италияда өтіп жатқан Viareggio Cup турнирінде барысында "Зенит" сапында өзінің кезекті кездесуін өткізді. 

Италиялық "Эмполи" клубына қарсы өткен ойында қазақстандық шабуылшы петербурлық клуб сапында 59-минут өткізді. Бұл уақыттың ішінде ол бір сары қағаз алып қалды. 

Ал кездесу 1:1 есебімен тең аяқталды. Матчтағы есепті 28 минутта 28 минутта "Зениттің" шабуылшысы Кирилл Капленок ашса, 67 минутта италиялықтар Оливейраның голының арқасында есепті теңестірді. 

Еске салайық, 17 жастағы Еркебұлан Сейдахмет "Зениттің" жастар командасына бақылаудан өтуі үшін шақырту алған болатын. Ол осы уақытта дейін бұл команда сапында 4 кездесу өткізіп, 1 голмен көзге түсті.