Еркебұлан Сейдахмет "Уфамен" қашан келісімшарт жасайтынын айтып берді

Қазақстандық шабуылшы Еркебулан Сейдахмет Vesti.kz тілшілеріне берген сұқбатында ресейлік "Уфа" клубымен қашан келісімшартқа қол қоятынын айтып берді. 

"Мен қазір командамен бірге Кипрдемін. Бұл жердің атмосферасы керемет. Маған барлығы ұнып жатыр. Мен үшін бапкерлер, команда басшылары және футболшылар үлкен бір отбасымдай болды. "Уфа" клубының сапында болғаныма қуаныштымын. Бұйырса 12-ақпан күні Уфа қаласына барған соң клубпен  келісім-шартқа қол қоямын", - деді Сейдахмет.

Еске сала кетсек, Сейдахмет "Уфа" клубы сапында бірінші оқу-жаттығу жұмыстарын Кипр қаласында өткізіп, қазір екіншісінде жүр.Осы уақыт аралығында үш жолдастық ойынға қатысты. Кипрлік  "Алки" клубына қарсы ойында Сейдахмет гол салды. Польшалық "Висла" клубымен  бірінші тайм (1:0) ойнаса, ал чехиялық "Слован" клубымен 90 минут ойнап (2:3), екі натижелі пас берген.