Досмағамбетов "Оқжетпес" сапына ауысты

©Vesti.kz

Футболдан ел біріншілігінде өнер көрсететін "Оқжетпес" клубы тағы бір футболшымен толықты. Бұл жолы команда қатарына шабуылшы Тимур Досмағамбетов қосылды, деп жазады Vesti.kz клубтың ресми сайтына сілтеме жасап.

27 жастағы футболшы араға төрт жыл салып, өзінің туған клубына оралып отыр. Көкшетаулық командамен шабуылшы бір жылдық келісім-шарт жасады.

Өткен маусымды Досмамбетов қостанайлық "Тобыл" сапында өнер көрсетіп, 23 ойында үш нәтижелі пас берген еді. Ал, оған дейін шабуылшы "Тараз", "Восток", және "Ақтөбе" клубтарының намысын қорғады.

Қазақстан ұлттық құрамасы сапындағы алғашқы кездесуін ол 2015-жылдың мамыр айында, Буркино-Фасо құрамасына қарсы ойында өткізген еді. Сол уақыттан бері еліміздің бас құрамасы сапында Тимур төрт кездесуге қатысты.

Айта кетейік, бұған дейін көкөшетаулық клуб сапын қорғаушылар Данил Цой ("Тобыл") мен Александр Марочкин ("Каспий"), жартылай қорғаушылар Әлібек Аяғанов ("Ертіс"), Демият Сламбеков ("Бәйтерек") және Лукас Хорват ("Домжеле") шабуылшылар Абат Айымбетов ("Ақтөбе"), Максим Федин ("Атырау") және Александр Козлов ("Факел") толықтырған еді.

Әлеуметтік желілерде бөлісу