auth.social_login
js.pozhaluista_podojdite js.ukazhite_email js.ukazhite_imya_ili_psevdonim js.ukazhite_parol js.dlya_registracii_na_saite_vy_doljny js.dlya_redaktir_profilya js.ukazhite_korrektny_email material_dobavlen_v_izbrannoe js.dobavit_v_izbrannoe js.ubrat_iz_izbrannogo js.paroli_ne_sovpadayut js.zadaite_parol_dlya_vhoda_na_sait js.horoshi_parol_doljen_soderjat js.spasibo_za_vash_golos js.dobavit_plus_1 js.ubrat_plus_1 js.vyberite_variant_otveta
js.mesto
жаңа тег қосу Слайдшоу қарау (пробел) Пауза Артқа Алға Орнынан көшіру Жабу (Esc) Толық көлеміне ашу Суретті жабу үшін жай басыңыз, қозғау үшін басып жібермеңіз
Пікіріңізге рахмет! Мәтін қойыңыз...
Русский Табло
Сайтқа кіру
auth.social_login:
Сіздің Vesti.kz сайтындағы аккаунт Құпия сөзді ұмытып қалдыңыз ба?
Құпия сөзді ұмытып қалдыңыз ба?

Сіздің жаңа құпия сөзіңізді жіберетін email-ді атаңыз. Ақырында сіз құпия сөзді жеке бетіңізде өзгерте аласыз

Біздің талапқа сай келетін футболшы тапсақ, келісімшарт жасауға тырысамыз - Саян Хамитжанов

Саян Хамитжанов "Астананың" алдағы жоспары туралы айтып берді.

Біздің талапқа сай келетін футболшы тапсақ, келісімшарт жасауға тырысамыз - Саян Хамитжанов
©Footboom.kz
БАӘ-де өткен "Астана" командасының оқу-жаттығу жиыны аяқталды. Жаттығу жиынының қорытындысы, ойындардың нәтижелері, маусымаралық үзіліс кезіндегі ауыс-түйіс туралы "Астана" футбол клубының Бас менеджері Саян Хамитжанов өз ойымен бөлісті.

- Саян Жақсыгелдіұлы, ОЖЖ-ын өткізуге неліктен Дубайды таңдадыңыздар?

- Білесіз бе, ойыншылар мен жаттықтырушылар - ырымшыл болып келеді. Біз соңғы үш маусымдағы оқу-жаттығу жұмыстарын осы БАӘ-де өткізген болатынбыз. Сәйкесінше, үш маусымда – үш чемпиондық атаққа ие болдық. Дубайдағы ауа райы жаттығу жиынын өткізуге барынша қолайлы болды және команда өздеріне жүктелген тапсырмаларды жоғары деңгейде орындады. Сондықтан, оқу-жаттығу жиынына жоғары баға беруге болады.

- Жаттығу жиыны барысында өткізген екі кездесуде де команда жеңіске жетті. Көңіліңіз толды ма? Неліктен, ОЖЖ-да небәрі екі матч өткіздіңіздер?

- Бұл жолғы оқу-жаттығу жиыны негізінен ойыншылардың физикалық дайындығын жақсартуға бағытталды. Бапкерлер құрамы тарапынан футболшыларға көптеген қиын тапсырмалар берілді. Сондықтан, ойындырды жаттығу жиынының соңына қалдырдық. Бапкерлер тарапы жаттығу жұмыстары барысында өткізген кездесулердің нәтижесі маңызды емес деп жиі айтқанымен, жеңіске жеткенімізге қуаныштымын. Екі кездесудеде де командамыз қақпасына бір де бір гол жіберген жоқ. Соның ішінде оңтүстік-кореялық қарсыластырымызға қарсы кездесуді ерекше атап өтуге болады.

- Азия Чемпиондар Лигасының жеңімпазына қарсы кездесу туралы айтып өтсеңіз ...

- Бізге өз деңгейімізді байқап көрген маңызды. Сондықтан "Чонбук" секілді клубты ірі есеппен жеңуіміз, дайындығымыздың деңгейін ғана көрсетпейді. Басқа да себептері бар. Оңтүстік Корея чемпионын ұтуымыз жанкүйерлердің де көңілінен шықты. Кезінде Қазақстан Азиядан кетіп, Еуропа футболына өтіп, УЕФА-ға мүше болу арқылы дұрыс шешім қабылдаған. Біз өз еліміздің чемпионы ретінде соңғы екі маусымда Чемпиондар лигасы мен Еуропа лигасының топтық кезеңінде ойнадық. Еуропаның топ-клубтарымен бәсекеге түсіп, өте пайдалы тәжірибе жинадық. Ал "Астана" мен "Чонбук Хендэ" кездесуі Еуропа мен Азия футболы деңгейінің айырмашылығын көрсетіп берді.

- "Астана" командасының БАӘ-дегі оқу-жаттығу жиыны барысында екі жаңа ойыншы бақылаудан өтті. Олар өздерін қалай көрсете білді?

- Беларуссиялық Иван Маевский өзін "Астана" сапында ойнауға лайық футболшы екенін бапкерлер құрамына дәлелдей білді. Бұл ойыншы жаттығу жиыны барысында өткізген кездесулерде өз жұмысына деген тиянақтылығы мен шеберлігін көрсетті.Сол себепті, Рохер Каньясты кипрлік АПОЭЛ ұжымына жалға береміз деген шешім қабылдадық.  Ал, шабуыл шебіне келген жаңа ойыншылар Дидар Жалмұқан, Роман Мұртазаев пен Аздрен Лулаку өздерінің мықты екендіктерін соңғы өткізген кездесулерде салған голдары арқылы дәлелдей алды. Олар командамызға өте жақсы бейімделіп кетті. Өткен маусымды жалда өткізген Евгений Постников сенімді ойын көрсетті. Жалпы алғанда, клубқа жаңадан келген ойыншыларға көңіліміз толады.

- Алда тағы бір жаттығу жиыны бар. "Астана" сапынан тағы жаңа ойыншылар көреміз бе?

- Біз футбол нарығын үнемі бақылап отырамыз. Бапкерлер штабымен ақылдасып, талдау жүргіземіз. Егер біздің команданың ойынын күшейтетіндей, талапқа сай келетін кандидатура көрсек, бірден келісімшарт жасауға тырысамыз. Бірақ, қаржылық себептерге байланысты тек еркін агенттерді ғана қатарға қоса аламыз. Дегенмен топырлаған селекция болмайды. Біз өзімізге қажетті позицияларға ғана ойыншылар аламыз. Командада әрбір позицияда бәсекелестік жоғары. Сондықтан кейбір футболшыларды ойын тәжірибесі болу үшін жалға да беретінімізді жоққа шығармаймын.
Әлеуметтік желілерде бөлісу


Жаңалықтар