"Біріншілік өтпей қалуы мүмкін". "Астана" легионері ҚПЛ және Чемпиондар лигасы туралы айтып берді

Елордалық "Астана" клубының қорғаушысы Антонио Рукавина "Спортски журнал" басылымына берген сұқбатында Қазақстан біріншілігі жайлы айтып берді. 

- Биыл барлық назарымызды футболға бұрып, ойнайтын жыл емес. Біріншілік өтпей қалуы мүмкін. Бізге біріншілікті 3 тамыз күні жалғастыра алатынымызды айтты. Оған дейін әрине, ешқандай жарыстар өтпейді. Нақты маусымның қашан басталатынын бірнеше күннен кейін білеміз", - деді Рукавина. 

Үзіліс "Астана" клубының Чемпиондар лигасында өнер көрсетуіне еш кедергі болмайды: "Біз міндетті түрде ойнаймыз. Бірақ қайда екені белгісіз. Егер тамызда карантин алынатын болса, біз Астанада ойнай аламыз. Егер жағдай өзгермесе, Түркияда ойнайтын шығармыз", - деді қорғаушы. 

Рукавина карантинді қақпашы Ненад Эричпен бірге өткізіп жатыр: "Сауда үйлері, спорт залдар жабық. Қоғамдық іс-шаралардың өткізілуіне тыйым салынған. Ресторандар мен кафелер шектеулі ғана адам қабылдайды. 20:00-ге дейін ғана ашық болады. Ешқандай жаңалық жоқ. Дәл осылай өмір сүріп жатқанымызға бірнеше ай болды", - деді ол. 

Айта кетейік, "Астана" 2020 жылғы маусымда үш ғана кездесу өткізді. Оның барлығын наурыз айында. Елордалық клубтың еншісінде жеті ұпай бар. Турнир кестесінде екінші орында келеді.