Бауыржан Сәрсекенов өмірден озды

62 жасында Қазақстан Республикасының еңбек сіңірген жаттықтырушысы Сәрсекенов Бауыржан Жолдасұлы қайтыс болды, - деп хабарлайды Vesti.kz порталы ҚФФ сайтына сілтеме жасап.

Бауыржан Жолдасұлы бапкер ретінде "Мұнайшы" (Ақтау), "Намыс" (Алматы), "Ақжайык" (Атырау), ЦСКА (Алматы), "Жетісу" (Талдықорған), "Ордабасы" (Шымкент) және басқа клубтарының тізгінін ұстаған. Сонымен қатар Қазақстанның жастар құрамасын да жаттықтырған.

"Қазақстанның футболын дамытуға сіңірген еңбегі үшін" орденімен марапатталған.

Қазақстан құрамасы үшін Марат Шахметов, Марк Гурман, Жамбыл Көкеев, Артем Фомин сияқты шәкірттерді баптады.

Жастар құрамасын жаттықтырған кезде Юрий Логвиненко, Танат Нөсербаев, Сабырхан Ибраев, Захар Коробов, Сергей Шафф сияқты футболшыларды тәрбиеледі. .

Қазақстан футбол федерациясының ұжымы Бауыржан Сәрсекеновтың туыстары мен жақындарына көңіл білдіреді.