Айымбетов "Оқжетпес" сапына ауысуы ықтимал

"Ақтөбе" клубының жартылай қорғаушысы Абат Айымбетов алдағы маусымды көкшетаулық "Оқжетпес" сапында өткізу мүмкін, деп жазады Vesti.kz көкшетаулық клубтың ресми сайтына сілтеме жасап. 

21-жастағы футболшы бүгінде Түркияның Анталья қаласында оқу-жаттығу жұмыстарын өткізіп жатқан "Оқжетпес" сапына қосылды. Осы оқу-жаттығу жиындарының қорытындысы бойынша, Владимир Муханов футболшыны командада қалдыруы әбден мүмкін. 

Айта кетейік, өткен маусымды Айымбетов "Ақтөбе" сапында өткізді. Бірақ, жарақатына байланысты командасына көп көмектесе алмады. Ел біріншілігінде өткен жылы ол небәрі 2 ғана кездесуге қатысты.