"Астананың" капитаны болу - үлкен мәртебе - Ненад Эрич

Ненад Эрич. "Астана" ФК ресми сайтынан

"Астана" футбол клубының 2017 жылғы маусымдағы капитаны Ненад Эрич Қазақстан Суперкубогы үшін алматылық "Қайрат" командасына қарсы өтетін кездесу алдындағы баспасөз жиынында матч туралы өз ойымен бөлісіп, журналистер тарапынан қойылған сауалдарға жауап берді, деп хабарлайды Vesti.kz тілшісі елордалық клубтың баспасөз қызметіне сілтеме жасай отырып.

- Бізді қызықты әрі қиын ойын күтіп тұр. «Қайрат» командасы өте жақсы команда. Команданың бас бапкері, ойыншылары өз істерінің нағыз шеберлері. Ең бастысы ертең ауа-райы жақсы ойын көрсетуге, футбол ойнауға қолайлы болса болды. Біз барымызды салуға дайынбыз.

- Ненад, қақпашы ретінде «Қайрат» сапындағы қай ойыншыдан көбірек сақтанасыз?

- «Қайрат» командасының шабуыл шебінде ойнайтын барлық ойыншылар өте мықты. Исламхан, Аршавин, Исаел, Гоу... Бұл ойыншылар жалпы маусым бойында көп гол соғып жүрген ойыншылар. Сондықтан әрқайсысынан қауіп күтуге болады. Ертеңгі ойын кімнің мықты екенін дәлелдеуге тағы бір мүмкіндік.

- «Астана» командасының жаңа маусымдағы капитаны болу сізге қаншалықты маңызды?

- Қазақстанның үш дүркін чемпионы, Чемпиондар Лигасы мен Европа Лигасының топтық кезеңінде ойнаған ұжымның капитаны болу – үлкен мәртебе, үлкен жауапкершілік. Клуб басшылығы мен команда бапкерлері, ойыншылары, жанкүйерлері артқан сенімді ақтап, командамды алғи да алға жетелейтін боламын.

- Қазақстан Чемпионатындағы ең қауіпті шабуылшыны атай аласыз ба?

- Мен сізге екі ойыншыны айтайын. Бірі – Жерар Гоу, екіншісі – Джуниор Кабананга.

Әлеуметтік желілерде бөлісу