28 жастағы шабуылшының трансфердегі құны Transfermarkt мәліметі бойынша 900 мың еуро. Бұл командада ең қымбат деген екінші ойыншы Йорди Брейн. 24 жастағы жартылай қорғаушы 600 мың тұрады екен. Сондай-ақ 23 жастағы бельгиялық жартылай қорғаушы Джонатан Окита да 600 мың тұрады.
Жалпы НЕК командасының барлық ойыншылар құны - 603 миллион еуро. Бұл Нидерландының екінші дивизионындағы 20 клубтың ішіндегі 8 көрсеткіш. Құрамы ең қымбат деген "Йонг Аякс". Ол команданың ойыншыларының жалпы бағасы 48,35 миллион еуро.
"Астана" командасы шабуылшының нидерландылық клубқа ауысқаны туралы 22 тамызда хабарлады. Янга жаңа командасында жалда ойнап жатыр. Шабуылшымен елордалық клубпен 2022 жылдың жазына дейін келісімшарты бар. Қазақстандық клубқа алып шабуылшы 2018 жылы ауысып, ел біріншілігінде 64 кездесуге қатысып, 11 гол және үш нәтижелі пас берген.
2020 жылғы маусымның бірінші бөлігін Янга "Лугано" сапында өткізді. Швейцариялық клуб сапында ол 13 кездесуге қатысып, гол соға алмады.