Асхат Тағыберген "Қайсарға" қайта оралды

Елордалық "Астана" клубының жартылай қорғаушысы Асхат Тағыберген "Қайсар" сапына ауысты. Бұл туралы қызылордалық клубтың ресми сайты хабарлайды. 

27 жастағы футболшы негізі қызылорда футбол мектебінің түлегі. Ол 2008 жыл мен 2012 жылдар аралығында "Қайсар" сапында өнер көрсетті. Содан соң "Ақтөбе" сапына ауысты. 2016-2017 жылдар аралығында "Астана" сапында ойнады. Сонымен қатар өткен маусымның жарты бөлігінде ол "Тобыл" сапында жүрді. 

Тағыберген - Қазақстан Премьер-лигасында рет жүлдегер атанған. Сонымен қатар "Астана" сапында екі рет ел чемпионы, Қазақстан кубогын және Қазақстан Суперкубогын жеңіп алды. Чемпиондар лигасы мен Еуропа лигасында да өнер көрсеткен. 

Жартылай қорғаушы 11 қаңтар күні Түркияда жаттығу жұмыстарын өткізіп жатқан "Қайсар" клубының қатарына қосылады.