Андрей Сидельников "Ақтөбеге" ауысты

Алматылық "Қайраттың" қақпашсы Андрей Сидельников "Ақтөбе" клубының сапына ауысты, деп жазады Vesti.kz порталы клубтың ресми сайтына сілтеме жасап. 

Клуб пен футболшы бір жылдық келісім-шартқа қол қойыпты. 

Айта кетейік, 36 жастағы қақпашы 2008-2014 жылдар аралығында "Ақтөбе" намысын қорғаған. Бұл аралықта ол 150 кездесуге қатысып, 118 гол жіберген. 

Одан бөлек, Сидельников Қазақстан біріншілігінде 2015 жылы "Ордабасы" намысын қорғап, 11 ойында 14 гол жіберіп алған еді. Ал, қақпашының соңғы клубы алматылық "Қайрат" болды. Өткен жылғы ел біріншілігінің күміс жүлдегері сапында Сидельников небәрі 1 кездесуге қатысып, 2 гол жіберіп алды.