"Ақтөбенің" экс-шабуылшысы карьерасын төрт жылдан кейін қайта жалғастырмақ
Сурет "Игілік" командасының сайтынан алынды.
Футболдан Қазақстан жастар құрамасы мен "Ақтөбе" клубының бұрынғы шабуылшысы карьерасын қайта жалғастырады, деп хабарлайды KazFootball.kz.
29 жастағы шабуылшы Жамбыл облысының "Игілік" командасында бақылаудан өтуге келді. Қаратау қаласының ұжымы Екінші лигадағы ойындарына дайындық жүргізіп жатыр.
Лисенков карьерасын "Ақтөбе" клубында бастаған. Ақтөбенің басты командасында 2009 жылы алғашқы кездесуін өткізген. 2014 жылы ол оралдық "Ақжайық", 2015 жылы Махтаарал" клубтарының намысын қорғаған. Соңғы рет шабуылшы 2016 жылы ойнады. Бұл жылы Лисенков "Ақтөбе" сапында бар болғаны бір кездесуге қатысты.
Жалпы ол Қазақстан біріншілгінде 73 кездесуге қатысып, 13 гол соққан. Сондай-ақ 11 еурокубоктің ойындарда өнер көрсеткен. Қазақстан жастар құрамасы сапында төрт ойынға қатысып, бір мәрте көзге түскен. Шабуылшы 2009 жылы Қазақстан чемпионы атанған.