"Ақтөбе" жаңа маусымға дайындықтарын пысықтап жатыр

"Ақтөбе" ФК ресми сайтынан

"Ақтөбе" командасы Шымкент қаласындағы БИІК футбол орталығының базасына орналасты, деп хабарлайды Vesti.kz тілшісі клубтың баспасөз қызметіне сілтеме жасай отырып.

"Ақ-қызылдардың" жаттығулары күніге екі рет өтіп жатыр. Жаттығу барысында доппен жұмыс жасауға, техника-тактикалық әрекеттерге және физикалық жаттығуларға көп көңіл бөлінуде. Игорь Рахаев бастаған бапкерлік штаб күнделікті теориялық сабақтарын да өткізді.

Бұл қысқа мерзімді жиында ақтөбеліктер бір жолдастық кездесу өткізіп үлгерді. "Екібастұз"командасын 1:0 есебімен жеңді. Гол авторы Кирилл Шестаков.

Бүгін "ақ-қызылдар" жаттығу алдында теориялық сабақ өткізді. Ертең Премьер-Лиганың алғашқы турына қатысу үшін Алматы қаласына ұшып кетпек. Жетінші наурыз күні команда ойын алдындағы жаттығуларын өткізеді. Сегізінші наурыз, әйелдердің Халықаралық мерекесінде жергілікті "Қайратпен" маусым шымылдығын ашпақ. Ойын Ақтөбе уақытымен 15:00-де басталады.

Жартылай қорғаушы Витор Жуниор жарақатын емдеп жатыр, қорғаушы Бағдат Қайыров жарақатынан толық айығып, командаға қосылды.

Әлеуметтік желілерде бөлісу