Наир Тикнизян ЦСКА сапында қалатын болды деп хабарлайды Vesti.kz. Бұл жайлы клубтың ресми сайтында жазылған.
"Локомотив клубына ауысу туралы ақпараттар болғаны рас. Тіпті келіс-сөздер де жүргізілді. Алайда ойлана келе, әлі де болса армияшылар сапында қалып, толағай табыстарға жеткім келеді. Академияны қоса алғанда мен мәскеулік команда сапында 8-9 жылдан бері доп теуіп келемін. ЦСКА – менің екінші үйіме айналғанына біраз болды. Сондықтан алдағы уақытта осы ұжыммен бірге болғым келеді", - дейді ол.
Өткен маусымда 22 жастағы қорғаушы ЦСКА сапында 33 ойында 1 гол соққан. Transfermarkt интернет порталы ресейлік футболшыны 1,5 миллион еуроға бағалап отыр.
Еске салсақ, ЦСКА сапында Қазақстан құрамасының ең бағалы футболшысы Бақтияр Зайнутдинов өнер көрсетеді. Сондай-ақ, жуырда "Тобылдан" кеткен Григорий Бабаян бапкерлік штабта жұмыс істейді.