Спорттың ең күрделі түрлерінің рейтингі жасалды

ESPN порталы әлемдегі ең күрделі спорт түрлерінің рейтингін жасады.

Күрделілікті анықтайтын он дағдының ішінде мына көрсеткіштер бар: шыдамдылық, күш, энергия, жылдамдық, ептілік, икемділік, жүйке жүйесі, табандылық, қол мен көз координациясы, сондай-ақ, сараптау қабілеті.

Осылайша, топ-5 күрделі спортқа: бокс, хоккей, америкалық футбол, баскетбол мен рестлинг кірді.

"Біз атлетизмге қатысты он категория немесе дағдыны белгіледік, содан кейін сегіз сарапшыны осы көрсеткіш бойынша әр спорт түріне бірден онға дейін баға беруін сұрадық. Алынған жауапты қорытындылап, орташа есеп шығардық", - делінген ескермеде. 

Тізімде ары қарай: жекпе-жек түрлері, теннис, гимнастика, бейсбол мен футбол тұр.