Қарағандының "Шахтері" Конференция Лигасының алғашқы матчін өткізді, деп хабарлайды Vesti.kz тілшісі. УЕФА-ның жаңа турнирінде кеншілер Румынияның ФКСБ командасымен қонақта ойнап, 1:0 есебімен жеңіліс тапты.
Ойындағы жалғыз голды 38-минутта Андрей Кордя соқты. Кеншілердің матч соңына дейін таразы басын теңестіретін бірнеше мүмкіндігі болған. Алайда ФКСБ қақпашысы мүмкіндік бермеді. "Шахтердің" бас бапкері Магомед Адиевтің ауырып қалуына орай, Бухарестке бармады. Осыған байланысты команданы Андрей Финонченко басқарды.
Енді қос команда арасындағы қарымта матч 29 шілде күні елорда уақытымен 20.00-де басталады.