Бокстан Олимпиада чемпионы Серік Сәпиевтің Қарағанды облысы денешынықтыру және спрт басқармасындағы орынбасары Дәурен Есімханов қоғамда қызу талқыланып жатқан жағдайға қатысты мәлімдеме жасады.
“Қазір әлеуметтік желілер мен БАҚ-та шындыққа сәйкес келмейтін ақпарат тарап жатыр. Арандатуға ермей, жағдайды ушықтыруға бағытталған әрекеттерге жол бермеуді сұраймын”, - деді ол.
Еске салайық, БАҚ пен әлеуметтік желілерде Серік Сәпиевті өз орынбасары соққыға жыққаны туралы ақпарат тараған болатын. Бұған қатысты қылмыстық іс қозғалып, кейін Сәпиев полицияға арыз жазған болатын.
Серік Сәпиев - 2012 жылғы Олимпиада чемпионы, екі дүркін әлем чемпионы, Қазақстанның еңбек сіңірген спорт шебері. Қазір ол Қарағанды облысы Дене шынықтыру және спорт басқармасының басшысы қызметін атқарады.
Дәурен Есімханов - Серік Сәпиевтің орынбасары және танымал спортшы, самбодан Азия және әлем чемпионаттарының жүлдегері, World Games-тің күміс жүлдегері, джиу-джитсудан әлем чемпионы.
Жарнама