Олимпиада жүлдегері сыйға алған көлігін соғып алды

Ауыратлетикадан Олимпиада ойындарында жүлдеге ілінген Игорь Сон Қазақстан ауыратлетика федерациясы сыйға тартқан көлігін соғып алды. Бұл туралы "ЭК" хабарлады. 

Соғылған көлікті тілші бүгін Талдықорған қаласында көрген. Көліктің бампері жоқ. 

Көлікті соғылған күйінде Игорь Сонның өзі жууға алып келген. Оның қасында әйелі болған. Айта кетейік, бұл автокөліктің құны - 20 миллион теңге. 

Еске салайық, Олимпиада ойындарында Сон 61 келіге дейінгі салмақта сынға түсіп, қола жүлде жеңіп алған еді.