"Winstrike командасынан еркін агент ретінде кеттім. Бұл команда мен ұйым мен үшін көп нәрсе істеді. Келісімшарт аяқталды. Ұзартуды жөн санамадым. Басқа ұсыныстарды қарап көремін. Қазірдің өзінде бірнеше команда ұсыныс жіберді. Шамалы демалғым келеді. Шешімді бірер аптада қабылдаймын", - деді Хасенов.
Бұған дейін ол Tengri, HellRaisers және Gambit секілді командаларда ойнаған. Gambit ұжымымен ол 2017 жылы Польшада өткен Major додасында топ жарды.
Ал Winstrike сапында Хасенов 2019 жылдың қазан айынан бері ойнап келді. Бұл команда LOOT.BET/CS Season 5 и ESL One: Road to Rio турнирінде екінші орын алды. Одан бөлек, BLAST Premier CIS Cup және WePlay! Clutch Island турнирлерінде ойнады.