Құзға өрмелеуден Әлем кубогының кезеңінде қазақстандықтар ондыққа ілінбеді

Францияның Шамони қаласында спорттық құзға өрмелеуден Әлем кубогының кезеңі аяқталды.

Отандастарымыз "жылдамдық" бағдарламасында сынға түсті.

Құрама сапында ең үздік нәтижені Дамир Тоқтаров көрсетті. Ол 13-орынға тұрақтады. Ал Ришат Хайбуллин 14-орын, Әмір Маймұратов 26-орын, Рашид Хайбуллин 35-орын, Әлішер Мұрат 50-орынға табан тіреді.

Әйелдер арасындағы бәсекеде Тамара Улжабаева 35-орын, Анна Баларшина 42-орын, Арина Новицкая 50-орыннан көрінді.